Зоран Заев-Ќе бидат исклучени од партијата членовите кои се вклучени во аферата „Рекет“

 Премиерот Зоран Заев, во врска со најновите настани поврзани со аферата Рекет беше запрашан, дали ќе го исполни ветеното за исклучување од партијата на кој било член за кој ќе се утврди одговорност. Премиерот наведе „Кога некое лице ќе биде осомничено или обвинeто во тој случај ја применуваме мерката на санкции која значи времено отстранување на тоа лице за да ја докаже својата невиност. 

Изјавата на Заев следи по неофицијалните објави во дел од медиумите за проширување на истрагата за „Рекет“ со потпретседателката на Собранието, Фросина Ременски.

Заев рече дека на доаѓање кон прес-конференцијата ја добил информацијата дека има соопштение или изјава кое, како што велат новинарите, се однесува на потпретседател на Собранието.

Премиерот вели дека ќе ги соопштат ставовите откако ќе прочитаат и видат за што е осомичено лицето, дали е обвинето.

Тачи- На земјата и се потребни фер и демократски избори

Лидерот на ДПА, Мендух Тачи по лидерската средба што се одржа вечерва во вилата „Водно“  изјави: „Се договориме на 12 април да имаме избори, изјави  – Фер и демократски избори и се потребни на Македонија, нагласи Тачи. Тој нагласи дека на средбата лидерите ја разгледале ситуацијата за можноста за ратификување на Протоколот за наше членство во НАТО од страна на шпанскиот Парламент, по што се договориле на 12 април да имаме избори“

Мицкоски-Остануваме посветени на евроинтеграциите и за ова не постоеше дилеми

После завршувањето на лидерската средба на вила Водно Лидерот на ВМРО-ДПМНЕ, Христијан Мицкоски  изјави  дека ВМРО-ДПМНЕ останува посветена на евроинтеграциите и дека никој од учесниците на средбата нема алтернатива за ЕУ и НАТО.

– Остануваме посветени на евроинтеграциите и за ова не постоеше дилеми – изјави Мицкоски.

Тој вели дека ВМРО-ДПМНЕ ќе гарантира модерна европска политика за државата.

– Поразени се арамилукот и неправдите. На парламентарните избори ќе победи Обновата на Македонија – рече Мицкоски.

Лидерот на ВМРО-ДПМНЕ изјави дека е важно што бил утврден датум за избори, а персоналните решенија допрва ќе бидат предложени.

– Разговаравме и за резолуцијата на Бугарија, особено во оној дел за македонскиот јазик. Јас предложив да заземеме став дека тоа е уцена за Македонија и да подготвиме одговор за нив дека немаме намера да постапиме по барањата на нашиот источен сосед – изјави Мицкоски и додаде дека тој предложил во Собранието да се донесе резолуција со која државата ќе се спротистави на барањето на Бугарија

Претседателот на Алијансата за Албанците-Треба да ја вратиме надежта кај младите

По завршување на лидерската средба  претседателот на Алијансата за Албанците  Зијадин Села изјави :          „ Сите се согласивме на 12 април да се одржат предвремени парламентарни избори. Граѓаните сакаат    промени. Граѓаните сакаат да се врати демократијата. Треба да ја вратиме надежта кај младите кои бегаат од државата немајќи услови за живот, за образование, немајќи сигурност“

Популарно