Колку коронавирусот живее на пластика и картон?

Загрижувачки утврдено е дека коронавриусот може да преживее на пластични и челични површини и до три дена, додека во честичките во воздухот може да живее околу 3 часа, вели новата студија која ја финансирал американскиот национален институт за здравје.

Студијата открила дека стабилноста на вирусот Сара Ков 2 кој ја предизвика болеста Ковид-19 е слична на онаа кај Сарс-Ков-З во експериментално услови. Резултатите од овој лабораториски извештај овозможиле научниците да утврдат колку долго новиот коронавирус се задржува на површините околу нас, а колку долго преживува во воздухот, иако научниците истакнуваат дека се потребни уште истражувања за да биде дефинитивно утврдено.

1. Коронавирусот успева да преживее 72 часа на нерѓосувачки челик и пластика 2. На бакар се задржува 4 часа, додека 24 часа живее на картон 3. Во честитчките и капките во воздухот останува активен до три часа.

Студијата укажува дека пренесувањето на вирусот Сарс-Ков-2 е можно и преку воздух и одредени материјали, а овие начини на пренесување се поврзуваат со ширењето на вирусот во болничкото опкружување, во кое може да дојде до „суперширење“ , односно дека еден заболен може да зарази десетина или стотина луѓе, тврдат научниците.

Друга студија која е објавена минатиот месец во еден научно списание открила дека човечкиот коронавирусот, како што е оној кој предизвикува Сарс може да преживее на предметите кои не опкружуваат - метални, стаклени, пластични - дури девет дена ако површината на која стојат не е дезинфицирана. Ова открите е од големо значење за понатамошните истражувања, затоа што Сарс е познат „роднина“ на новиот коронавирус.

-Како што е веќе познато, вирусот може да се пренесе преку капки и течности. Кога тие ќе излезат од инфицирана личност, преминуваат одредена оддалеченост пред да се најдат на местото на кое запираат. Во тие ситуации, во здравствените установи е многу важно работниците да преземат дополнителни мерки за заштита, како што се носење маски - вели докторката Марија ван Керков, епидемиолог од СЗО.

Средствата за дезинфекција можат да бидат многу опасни

Стравот од коронавирусот натера многумина да ги дезинфицираат своите домови. Еден од осноивните методи за заштита е миење на рацете најмалку 20 секунди, но баш како што рацете страдаат ако ги миеме со врела вода до бесвест, може да ни наштети и бескрајно чистење на подот и мебелот. Во последните неколку дена, бројот на повици до Националниот центар за контрола на отрови (NCKT) на ММА значително се зголемил како резултат на проблемите предизвикани од несоодветната употреба на овие средства.

Д-р Славица Вучиниќ, интернистички токсиколог, раководител на НКЦТ ММА, вели дека пациенти се јавуваат најчесто поради прекумерно вдишување на асепсол (бензалкониум хлорид).Се труеме кога работеме со хемикалии, а притоа не користиме заштита. Кога купувате средства за дезинфекција во аптеките, прашајте колку е потребно да се растворат. Често се продаваат концентрирани и мора да се разредат. Користете ги само кога не сте во состојба веднаш да ги измиете рацете со вода и сапун откако ќе допрете нечисти и необезбедени површини и предмети.

Не смеете да мешате два различни препарати ! Препаратите врз основа на асепсол и алкохол, кога се мешаат со варекина, хлороводородна киселина или натриум хипохлорит, можат значително да го загрозат респираторниот систем. Коктелот може да експлодира исто така! Сите сретства мора да ги чувате подалеку од деца, на највисоката полца или во заклучен а  остава, каде децата немаат пристап.

Кога користите средства најпрвин прочитајте ги упатстварта, на рацете ставете ракавици, а пожелно е да имате и заштитни очила. Кога дезинфицирате од просторијата треба да ги изнесете децата и домашните миленици. Не ги претурајте средствта во помали шишенца. Ако баш морате да го направите тоа, веднаш треба да ги обележите со налепници или со маркер за да се знае што точно има во нив и проверете дали добро се затворени.

Ако вдишете премногу средства за дезинфекција, веднаш излезете од просторијата каде што престојувате. Во случај на директен контакт со хемикалии, измијте ја кожата и очите неколку пати со проточна вода. НИКОГАШ, ако проголтате некој од средства, не пијте течност (вода, млеко, раствор од сода бикарбона …) за да предизвикате повраќање бидејќи ефектите можат да бидат многу штетни за исходот од труење.

Научниците открија кој е најчест симптом на коронавирус

Научниците од Кралскиот колеџ во Лондон дошле до заклучок дека најочигледниот симптом на зараза со коронавирусот е губење на сетилото за мирис. Според резултатите на британската студија, губењето на способноста за препознавање на мирис било забележано кај речиси 60 отсто од пациентите, кај кои дополнително било утврдено дека биле позитивни на Ковид-19, и кај само 18 отсто чиј тест на вирусот бил негативен. 

„Според нашите податоци, а во комбинација со другите симптоми, кај лицата кои го изгубиле чувството за мирис, веројатноста дека се позитивни на Ковид-19 е 3 пати поголема, па затоа е потребно таквите лица да се самоизолираат во текот на една недела за да се намали ширењето на заразата”, истакнал Тим Спектор, професор од колеџот.

Ваквите податоци ги навеле научниците на заклучокот дека губењето на сетилото за мирис е најизразениот симптом на инфицираност со вирусот. Научниците во истражувањето направиле модел кој овозможува да се одреди, врз основа на која комбинација на симптомите може попрецизно да се прогнозира дали одредено лице е заразено со Ковид-19. Помеѓу тие симптоми се издвојуваат губење на сетилото за мирис и вкус, висока телесна температура, сува кашлица, малаксаност, дијареа, болка во стомакот и намален апетит.

Истовремено, според мислењето на експертите на Британското здружение за оториноларингологија, губењето на чувството за мирис може да биде знак на зараза и од некој друг тип на коронавирус. Научниците советуваат дека треба да се обрне внимание и на очите. Американски експерти објасниле дека иритацијата на очите и непријатната сензација можат да бидат знак на воспалителен процес во организмот предизвикан од коронавирусот.

Медицинска сестра открива: Ова е најважниот симптом на Ковид-19 кај секој пациент

Една од медицинските сестри во "Life Care Center", жариште за епидемијата на коронавирус во Вашингтон, Челси Ернест истакна дека единствениот и најважниот симптом на „Ковид-19“ кај секој пациент бил фактот што очите им биле црвени.

Кашлањето, забрзаното дишење и црвените очи се сите симптоми на коронавирус, но оваа медицинска сестра истакнува дека за неа и нејзините колеги црвените очи биле показател бидејќи се присутни кај сите пациенти заразени со вирусот што го видела.

„Имавме пациенти кои имаа црвени очи како единствен симптом што го видовме и дојдовме во болницата и починаа“, рече таа.

„Нивните очи изгледаа како некој кој имал алергиска реакција. Нивните белки на очите не биле црвени, меѓутоа повеќе личело на тоа дека имаат црвена сенка, како да имаат црвени очни капаци околу очите“, изјави Челси за Си-Ен-Ен.

Новите истражувања покажаа дека инфекцијата на очите, како што е конјунктивитис, може да биде симптом на Ковид-19.

„Признато е дека секоја инфекција на горниот респираторен тракт може да резултира во вирусен конјунктивитис како секундарна компликација, што исто така е случај и со Ковид 19“, велат истражувачите.

Популарно